’A MEMORIA

Mme so’ allicurdato
ca nun  ’m’eva scurdà  ’e  ’m’allicurdà
’e jucà, tre nummeri  ’o luotto
                2, 16 e 18

“ Ddoje “
pecchè erano ’e signore
c’aggio ’ncuntrato ’ncopp’ ’o treno.

“ Sidece “
pecchè tenevano
’nu bello culo.

“ Riciotto “
pecchè era  ’o nummero
’e  carrozza d’o  treno.

O   no........
o   forze so’ nummeri
c’aggi’ avuto ’nsuonno.

Nun  ’m’allicuordo,
è cos’  ’e  niente,
è cos’  ’e  niente?

Ma si escen’  ’e tre nummeri,
nun ’m’aggia scurdà  ’e   ’m’allicurdà
c’ ’a vincita aggia  ’ncassà.

Ma mmo ca ’nce penzo
’o buglietto
addò maronna stà .

Mmo ’m’aggio scemunì
’e m’allicurdà
’o buglietto ’e truvà.


11.02.2014